Tladi wa Dikgati: Sengwalo sa phatose [‘pathos’]

Abstract

Ka lebaka la gore ditiragalo tša phatose di fela di hlakahlakanywa bobading le bosekaseking bja masetlapelo, taodišwane ye e yo ahlaahla kanegelo ya phatose ge e nepiša mohuta wa sengwalo sa kwešišano sa go lebana le phatose. Bjale ditiragalo tša phatose di tlo hlalošwa ge di lebane le kwelobohloko le manyami a magolo a go nyalana le lehu la molwantšhwa yoo karolo ya setšhaba le mmadi ba ikgwerantšego le yena. Moanegwa yoo o welwa ke matshwenyego a magolo ka kudu go feta moanegwagolo wa masetlapelo.