Periode van nostalgie

Abstract

Teen die einde van die veertigerjare het die Noord-Sotho besef dat net hyself hom kan help as hy hom onder hierdie verwarrende lewensomstandighede wil handhaaf. Die verlede het vir hom skielik 'n baken van vastigheid en sekerheid geword. Phala teken tradisionele prysdigte op, en gedurende die vyftigerjare volg verskeie digters sy voorbeeld. Ook word die verlede in 'n groot getal prosaverhale en dramas die agtergrond waarteen die beskrewe gebeure afspeel. Hierdie teruggryp na die verlede word deur Matsepe op die spits gedryf, want waar dit in die meeste ander werke gaan om 'n romantiese voorstelling van die verlede, het Matsepe dit as 'n naakte werklikheid opgeroep en die perspektief reggestel. 'n Periode van nostalgie het sodoende ten einde geloop.