Die relatiewe belang van die vorm en konsentrasie van stikstof in die wortelsone op die ontwikkeling van Zea mays L.

Abstract

Die invloed van ses nitraat:ammoniumverhoudings by 200 mg N l¹ in een proef en twee ander verhoudings by 50, 100 en 200 mg N l¹ in 'n tweede proef is op droëmateriaalproduksie en stikstofinhoud ondersoek. Die algehele beste behandeling was 'n 3:1 nitraat:ammoniumverhouding by 100 mg N l¹. Hierdie behandeling was betekenisvol beter as 'n 3:1-verhouding by 200 mg N l¹ en 'n 1:0-verhouding by 100 of 200 mg N l¹ vir droëmassaproduksie en stikstofopname. Nitraat:ammoniumverhoudings van 2:3,3:2,1:4,4:1 en 3:1 by 200 mg N l¹ het betekenisvol hoër N% in die bogrondse plantdele bo 'n 1:0-verhouding by dieselfde N-konsentrasie gegee. Vyf basters het betekenisvol van mekaar verskil in hul vermoë om stikstof op te neem. Hierdie verskille het verskil vir die twee proewe.