Research Article

Ukufundiswa kwemibhalo yobuciko emakilasini esiZulu ngenhloso yokufundisa abafundi ngekhono lokuhlaziya izinkinga zomphakathi

Published in: South African Journal of African Languages
Volume 45 , issue 2 , 2025 , pages: 226–236

DOI: 10.1080/02572117.2024.2431483

Author(s): Nokuthula Ntombenhle Mbata University of KwaZulu-Natal, School of Education, Language and Media Studies, , Sicelo Ziphozonke Ntshangase University of KwaZulu-Natal, School of Education, Language and Media Studies,

Keywords: ikhono lokuhlaziya , imibhalo yobuciko , izinkinga zomphakathi iSocial constructivism , ubuntu , Analytical skills , literary texts , Social constructivism , socio-political ills , ubuntu

Download full text Get new issue alerts

Abstract

Inhloso yale athikili ukubheka ukufundiswa kwemibhalo yobuciko emakilasini esiZulu ngenhloso yokufundisa abafundi ngekhono lokuhlaziya izinkinga zomphakathi. Lolu wucwaningo oluyikhwalithethivu, olwethulwa ngendlela esakuxoxa, kusetshenziswa ipharadayimi esakuhumusha. Ucwaningo lubeka ukuthi ukulahlekelwa yisimilo, ubuqili nokungathembeki kuwumthelela wokwehluleka kwesikole, othisha kanye nomphakathi ukutshala ubuntu kubafundi. Imininingo yale athikili ikhiqizwe ngokusebenzisa izingxoxo ezisakuhleleka nabahlanganyeli abayisithupha kanye nezincwadi zemibhalo yobuciko yesiZulu okuyilezi: Ngixolele Mntanami (Hlongwane, 2011) kanye nethi Kusa Kusa (Nhleko, 2015). Injulalwazi elawula lolu cwaningo yiSocial constructivism. Le njulalwazi yakhethwa ngoba igxile ekwakhiweni kolwazi olusha nokubaluleka kokusebenzisana phakathi kwabafundi bebodwa, uthisha kanye nomphakathi, okuyimfundo engunxantathu. Ngokusebenzisa indlela yokuhlaziya ngezindikimba lolu cwaningo lubheka indlela othisha abafundisa ngayo imibhalo yobuciko ukuhlaziya izinkinga zomphakathi kanye nokufundisa ngobuntu. Kuyavela emiphumeleni yalolu cwaningo ukuthi uma othisha bengakhuthala ukufundisa imibhalo yobuciko ngenhloso yokuhlaziya izinkinga zomphakathi kungatshaleka umoya wobuntu kubafundi, bakwazi ukubona okuhle nokubi. Ngakho-ke, imiphumela yocwaningo iveza ukuthi ukufundiswa kwemibhalo yobuciko emakilasini esiZulu kukhuthaza umoya wobuntu. Ucwaningo luthole ukuthi likhulu iqhaza elibanjwa imibhalo yobuciko ukubuyisa Ubuntu ezikoleni nasemphakathini uma kusetshenziswa indlela yokuthuthukisa ikhono lokuhlaziya izinkinga zomphakathi.

« A critical examination of the socio-onomastic controversy of Sepedi and Sesotho sa Leboa/Northern Sotho language names and the role and effectiveness of the Commission for Cultural, Religious and Linguistic Communities

Kiswahili-medium and English-medium primary schools: Teacher views on key contrasts »