Kinetika van nitrifikasie in gronde van die sentrale besproeiingsgebiede in Suid-Afrika

Abstract

Die verloop van nitrifikasie is in agt gronde, afkomstig van die sentrale besproeiingsgebiede, gemonitor na toediening van (NH₄)₂SO₄ teen die ekwivalent van 100 kg N ha⁻¹ aan beide die bo- en ondergronde. Tydens inkubasie by 30°C is die NH₄ ⁺, NO₂- en NO₃- op gereelde tydsintervalle gemeet. Eerste-orde vergelykings is gebruik om nitrifikasieparameters soos maksimum nitrifikasietempo (K_maks), duur van die sloerfase (t') periode van maksimum nitrifikasie (Δt) en duur van die sloerfase plus die periode om maksimum nitrifikasie (t_s) te bereken. Die parameters het soos volg gevarieer: K_maks van 1,1 tot 15,1 mg NO₃-N kg⁻¹ dag⁻¹; t' van 0,8 tot 7,3 dae; Δt van 2,8 tot 31,6 dae en t_s van 3,4 tot 35,5 dae. 'n Toename in K_maks het deurgaans gepaard gegaan met 'n afname in die tydparameters. In vergelyking met gerapporteerde resultate van ander navorsers is die nitrifikasie-aktiwiteit van hierdie gronde ietwat laag. In vyf van die agt gevalle was die nitrifikasie-aktiwiteit in die bogronde hoër as in die ooreenstemmende ondergronde, terwyl dit In twee van die ander drie gevalle die omgekeerde was. Nitrifikasie-aktiwiteit word in hierdie gronde beheer deur die aanvanklike populasie nitrlfiseerders, voorsiening van NH₄ ⁺ en CO₂ en veral die buffervermoë van die gronde.