Die invloed van grond-pH op die ekstraheerbare fosfor, kalium, kalsium en magnesium met bikarbonaat as ekstraheermiddel

Abstract

Met behulp van grond-pH is Olsen se natriumbikarbonaat- ekstraheerbare fosfor en ammoniumasetaat-ekstraheerbare kalium, kalsium en magnesium met die gewysigde ISFEI- (NH₄HCO₃ - Na-EDTA - NH₄F) ekstraksiemetode vergelyk. Op grond van pH (CaCl₂) is die grondmonsters wat in die ondersoek gebruik is in twee groepe verdeel, naamlik pH kleiner as 7 en pH groter as 7. Wat fosfor betref is 'n goeie verband r = 0,88 op grond met 'n pH kleiner as 7 tussen die twee metodes verkry. Die gewysigde ISFEI- en NH₄OAC- metode het vergelykbare hoeveelhede kalium oor die hele pH-spektrum geëkstraheer. Vir kalsium en magnesium is ook beter korrelasiekoëffisiënte as in die geval van grond met pH-waardes groter as 7 verkry.