Empinese verwantskappe tussen veldkapasiteit en sekere fisiese grondeienskappe

Abstract

Veldkapasiteit (VK) is in situ bepaal op verskeie gronde in Wes- Kaapland. Grondtekstuur het gewissel van sand tot sandklei. Veldkapasiteit is op vyf dieptes bepaal en het gevarieer van 4,9% tot 27,2% op massabasis. Matrikspotensiaal by VK het gewissel van −9,1 tot −1,4 kPa. In totaal is 105 bepalings op 23 persele uitgevoer. Faktorontledings het 11 grondfisiese eienskappe in vier faktore gegroepeer ten opsigte van hul verwantskappe met in situ-VK. Hierdie faktore het aangetoon dat klei-inhoud, growwesand, matriksdigtheid (p_b), versadigde hidrouliese geleivermoë en tydsverloop vanaf versadiging tot VK, die beste voorspellers van VK sal wees. Meervoudige re- gressies het bewys dat 'n voorspellingsvergelyking met vier ver- anderlikes, te wete klei, growwesand, pb en K_s , 78% van die variasie in VK verklaar. Die regressiekoëffisiënte vir growwesand, Pb en K_s was negatief, en klei positief, ten opsigte van VK (R = 0,88). Daar was 'n uitstekende reglynige verband tussen VK en waterinhoude wat by 10, 33 of 1500 kPa in die laboratorium bepaal is op versteurde monsters of onversteurde grondkerne (R = 0,89** - 0,97**). Deurdat waterretensie by hierdie drukke tussen 79% en 94% van die variasie in in situ- VK-waardes verklaar, kan hierdie maklike en vinnige laborato- riumbepalings as akkurate voorspellers van VK gebruik word.