Introspeksie en 'n voorraadopname

Abstract

Die geweldige veranderinge wat na die ontdekking van goud en diamante plaasgevind het, het die Noord-Sotho genoop om van sy tradisionele uitky k op die lewe af te sien. Na dorpe en stede trek hy om te verdien. Die aanpassing hierby geskied nie maklik nie. Wat die vroeë outeurs uitbeeld is 'n nagmerriewerklikheid. Daar het mettertyd wel 'n mate van aanpassing en versoening plaasgevind, totdat outeurs die stadium bereik het waar hulle hul posisie kon herwaardeer. Outeurs het die periode kort vantevore beskryf as een waarin die tradisionele lewenswyse verheerlik staan, terwyl hulle die moderne lewe verfoei het. 'n Kentering het nou plaasgevind; hulle maan die Noord-Sotho om uit sowel die tradisionele as die moderne bestel te soek en te neem wat goed vir hulle is.