Article

Tlhalošontši ya mongwalo: Go ngwala seo se sa tšweletšego molaetša ka tshwanelo

Published in: South African Journal of African Languages
Volume 37, issue 2, 2017, pages: 195–201
DOI: 10.1080/02572117.2017.1378262
Author(s): Sekgaila ChokoeDepartment of Languages, School of Languages and Communication Studies, South Africa

Abstract

Bontši bja baithuti ba maleme a Bathobaso ga bo tšee mongwalo go ba ye nngwe ya dithutwana tše bohlokwa tša maleme. Ka fao barutwana le batho ba bangwe ba go kgona go bala le go ngwala ga ba sa na le taba le thutwana ye ya mongwalo. Seo se dira gore go be le mabošaedi a mmalwa go akaretšwa a mopeleto, a tšhomišo ya maswaodikga gammogo le mabošaedi a go kgaogantšha goba go kgomagantšha mantšu ka phošo ge go ngwalwa. Mabošaedi a a mongwalo ka dinako tše dingwe a tswala tlhalošo yeo e sa emelwago fao go ka hwetšwago gore motho o ngwadile seo a bego a sa se šupe. Maikemišetšo a taodišwana ye ke ao a latelago: go hlaloša gore tlhalošontši ya mongwalo ke eng, go ntšhetša nyanyeng tšeo di hlolago tlhalošontši ya mongwalo le go lemoša batho bohlokwa bja go ngwala molaetša woo ba nyakago go o tšweletša ka maleba. Tlhalošontši ya mongwalo gantši e tlišwa ke go se šomiše maswaodikga ka tshwanelo le go kgomagantšha goba go kgaogantšha mantšu ka mokgwa wa bošaedi. Go efoga tlhalošontši ya mohuta wo, go bohlokwa go latela melawana yeo e beilwego ge go ngwalwa.

Get new issue alerts for South African Journal of African Languages